İroni muzakirəkə heyət de Enrike Mora vindemonış kardə

Zinə şəv, Viyana muzakirəon dəvomədə, İroni muzakirəkə heyət iyən de koşınosiyə qrupi bə ico, de atomiyə sazışi həmohənqəkə rəsmi Erike Mora vindemon iyən votımonış kardə.

Bə İrna raporti əsos, ım iclosədə İroni atomiyə enerji təşkilati sıxənəvot, Behroz Kəmalvəndi de İroni kamandə uzvonku kali bə ico, iştirokışon kardə.

İron İslam Respublika muzakirəkə heyət, ki çəy yol xarıci vəzarətxonə siyasi muavin, Əli Bağıri Kəni heste, Pencşəmbə rujədə və sanksiyaon peqəteyro, muzakirəon dəvomi çərçivədə və 3 manqi bəpeş, bə Avstriya paytəxt, Viyana varid bıə.

Cımə rujədə, iyən i minnə dıvrə votımonon bərpo bey bəpeşt, zinə həm İroni heyət və koşınosi səthədə, ım muzakirəon dəvomışon do. Avropa ittifoği xarıci siyasəti rəsmi şəxsi muavin iyən muzakirəon həmohənqəkə, Enrike Mora, muzakirəon prosesi barədə, jurnaliston sovali cəvobədə votışe: bə atomiyə sazışi ozavziyə muzakirəon xoşbin iyən umidım heste.

Bə İron İslam Respublika ələyh zalımonə və ğəyre ğanuniyə sanksiyaon peqətey hədəf, və bə İroni muzakirəkə qrupi təşəbbusi xoto, muzakirəon vey bə inkişof rəsəşe, əmmo ğərbi tərəfonku bəhonəon xususi Co Bayden dıvləti bəhonəon bois bıə ki Amerkə dəvardə dıvləti ğəyre ğanuniyə hərəkəton əvəziro və makzimum təziğon dəvomiro həminə məsələ barədə bə Amerkə ciddiyəti şək icod bıbu.

İron İslam Respublika bənə qıləy təəhudinə kişvər çand kərə elanış kardə ki de diğğət bə ım ki Amerkə təvafuğon rioyət nıkardə, çən ım Vaşenqtone ki bəpe de sanksiyaon peqətey vositə, bə təvafuğon obəqardo, və lozime Amerkə təəhudon barədə təhğiğ bıbu. həmçınin Tehron təkidış karde ki  Amerkə təvafuği oqardeyro hiç təcil ni.