Kəmalvəndi: əqə mığobil tərəfon bəştə atomiyə təəhhudon oqardon, İron həm obəqarde.
İroni atom enerji təşkilati sıxənəvot votışe: əqə mığobilə tərəfon bəştə atomiyə təəhhudaton obəqardən, İron İslam Respublika həm bəştə təəhudaton obəqarde.
Zinə və de Livani Əlməyadin televeziya kanali votımonədə, İroni atom enerji təşkilati sıxənəvot, Behroz Kəmalvəndi əlovəş do: bə İslamiyə parlamenti konstitusiya əsos, və İroni milləti mənafe oqətey cəhətədə, dəvardə rujiku 1000 qılə İR6 sentrifuqa bə ko dənoy və bə ım sistemon qaz ovoştoniye bino bıə.
Kəmalvəndi İroni atomniyə ehtiyocon maneon peqəteyro, ğəni sazi prosses dəvomi vey lozim zıneydə, ijən əlovəş do: atom enerji beynəlxalğə təşkilat, İroni həmmə bərnoməonku xəbəş heste iyən de İron muzakirəkəon co tərəfon həm aqahin ki İroni atomiyə hərəkəton bə İslamiyə şura parlemani konstitusiya əsose.
Zinə İroni atom enerji təşkilati sıxənəvot, ğanuni icra kardey cəhətədə, bə çand sa qılə sentrifuqa qaz ovoştoniye maşinon,əcumlə bə inkişof rəsə maşinon kali stratejikə hərəkəton iyən koon bəyonış kardə.
Miladi 2018 minnə sori Mayə manqi 8, Amerkə atomiyə beynəlxalğə təvafuğiku xarıc bıə və bə İroni ələyh əlovə bə sanksiyaon oqardey, tojə sanksiyaon həm icodış kardə.
İ sori mıddətədə və atomiyə sazışi çərçivədə, İron İslam Respublika bəştə təəhudaton əməlış kardə əmmo de ım vıcud ki atomiyə sazışi uzv bıə Avropa kişvəron, bəştə təəhudaton icra kardeyədə məğlub bıən, Miladi 2019 minnə sori Mayə manqiku və 5 qılə mərhələ çərçivədə, İron həm ıştən təəhudaton əncom doey kam kardəşe.
Qıləy holədə ki atomiyə sazışi təəhudaton icra beyədə, Avropa kişvəron məğlubiyəti dəvomədə, Miladi 2020 minnə sori Dekabrə manqi 1 minnə rujədə, İroni islamiyə şura departeman "İroni milləti mənafeku oqətey iyən sanksiyaon ləğv kardey cəhəto stratejikə hərəkəton əncom doey" kostitusiya təsdiğış kardə.
