Bağeri Kəni: ehanə mığobilə tərəfon realist bıbon, muzakirəon tojə bino beyro hiç mane mevcud ni

İroni xarıci vəzorətxonə siyosi muavin təkidış kardə: ehanə mığobilə tərəfon realist bıbon, muzakirəon tojə bino beyro hiç mane mevcud ni.

İron İslom Respublika təkidış kardə ki bə sazış dast peydo kardey lozimə ko, sanksiyaon peqəteyro stabil beye jəğo ki ım məsələ qarantiya bıbu, və ım ki vəoməyədə bəpe ım məsələ bə İroni ələyh qıləy təziğ iyən təhdid məbu.

Bə İran Peres aqentiyəti raporti əsos, zinə, xarıci vəzorətxonə siyosi muavin və İron İslom Respublika ali muzakirəkə votışe: hiç vaxt bə qıləy balansə sazışi dast peydo kardey royku milli mənafe təmin kardeyro diplomatiya roy dəbastəmon ni.

Əv işorəş kardə: de diğğət bə şərği zərfiyəton, bəpe bə co qılə zərfiyəton həm diğğət bıbu, əv ijən votışe: hiç vaxt, Avropa İroni xarıci rabitəon siyohədə ğərorış nıbe və nibəbe və har zəmon ki kişvəri inkişofədə ım kişvəron rol ifo kardeyro hozzo bıbun, İron həm ım koku himoyə bəkay.

Bağıri Kəni de işorə bə hamsuyəon həxədə daveon bə kəno noey siyosət bənə devlətədə qıləy strateqiya diyə, təsdiğış kardə: de Ərəbistoni rabitən tojədən bino kardey nışo do ki dıroz mıddət iyən strateqiya ğərolon əncom doeyro, 13minnə devləti diplomatiya, lozimə zu iyən irodə soybe.