Shugaban Kasar Gabon Zai Saba Layar Fara Zango Na Biyu Na Shugabaci

Ali Bango zai yi rantsuwar kama aiki na zango na biyu a shugabancinsa wanda zai dauke shi shekaru bakwai.

Ofishin shugaban kasar ta Gabon ya sanar a yau litinin cewa; a gobe talata ne shugaban kasar Ali Umar Bango zai saba layar kama aiki, bayan da kotun kolin kasar ta tabbatar da ingancin zaben da aka yi.

Sanarwar ta ci gaba da cewa:

 Kotun kolin kasar ta Gabon dai da ta tabbtar da ingancin zaben, ta kuma yi watsi da karar da  dan takarar shugabancin kasar, Jean Ping ta shigar a gabanta na bukatar a sake kirga kuri'u.