Demokradiyyar Congo: An Kashe Sojojin Burundi Masu Yawa A kan Iyaka:

Sojojin Kasar Demokradiyyar Congo Sun Sanar da kashe Sojojin Burundi 10 da su ke cikin kasar a jiya litinin.

Sojojin Kasar Demokradiyyar Congo Sun Sanar da kashe Sojojin Burundi 10 da su ke cikin kasar a jiya litinin.

Kamfanin dillancin labarun Faransa da ya dauko labarin ya ce sojojin na Burundi sun yi kutse ne cikin kasar Jamhuriyar Demokradiyyar Congo domin bin sawun 'yan tawayen kasarsu.

Majiyar sojan Burundi sun sanar da cewa a halin yanzu ana yi wa sojojin kasar da su ka jikkata magani a cikin asibitin soja da ke babban birnin kasar.

Kungiyar 'yan tawayen kasar Burundi na kabilar Hutu mai suna "Dakarun 'Yanto da Kasar" suna da sansani ne a cikin kasar Jamhuriyar Demokradiyyar Congo. Kungiyar ta ki rattaba hannu akan yarjejeniyar Arusha wacce ta kawo karshen yakin basasar Burundi da aka yi a tsakanin 1993 zuwa 2006.