Kenya: An Kama Mutane 6 Da Ake Zargi Da Ta'addanci.

'Yan sandan Kenya sun kame mutane 6 a yankin Malinda da ke kudu maso gabacin kasar.

'Yan sandan Kenya sun kame mutane 6 a yankin Malinda da ke kudu maso gabacin kasar.

Kamfanin Dillancin Labarun Xinuha na kasar Sin, ya ambato majiyar tsaron kasar ta Kenya na cewa; Mutanen da aka kama suna da alaka ne kai tsaye da kungiyare al-shabab kuma suna samun kudade daga gare ta.

Rahoton ya ci gaba da cewa; A cikin wayoyin tafi da gidanka na mutane an sami bayanai na musayar kudade a tsakaninsu da kungiyar al-shabab.

Kasar Kenya dai tana fuskantar kalubalen tsaro daga kungiyar ta al-shabab ta kasar Somaliya.

A baya kungiyar ta kai munanan hare-hare a cikin kasar ta Kenya  da ya haddasa mutuwar mutane da dama.