Tashin Bam Ya Hallaka Mutane Da Dama A Tsibirin Sina Na Masar

Akalla Mutane 9 ne suka rasa rayukansu, daya daga cikin jami'in 'yan sanda sanadiyar tashin Bam a tsibirin Sina ta Arewa a kasar Masar

Wata Majiya daga kasar Masar ta habarta cewa Bam din ya tashi ne a jiya laraba,lamarin da yayi sanadiyar hallakar mutane 9 daga cikin su akwai jami'in dan sanda guda tare kuma da jikkatar wasu 4 na daban.ya zuwa yanzu babu wata kungiya da ta dauki alhakin kai wannan hari.

A bangare guda, wani farmaki da jami'an tsaron Masar suka kaiwa taron mayakan masu tsatsauran ra'ayi a kudancin Al-Arshi, yayi sanadiyar hallakar mayakan akalla 40.

A nasu bangare, Dakarun saman kasar ta Masar sun yi lugudar wuta kan maboyar mayakan masu tsatsauran ra'ayi, lamarin da yayi sanadiyar hallakar mayakan da dama tare da rusa maboyar mayakar biyar da kuma ma'ajiyar makamai guda biyu.