Bom Ya Tashi A Kan Hanyar Shigar Tawagar 'Yan Sandan Kasar Kenya

Rundunar 'yan sandan Kenya ta sanar da cewa: Wani bom ya tashi a kan hanyar shigewar tawagar 'yan sandan kasar a yankin Mararani da ke gabashin kasar Kenya kusa da kan iyaka da kasar Somaliya.

Majiyar rundunar 'yan sandan Kenya ta sanar da cewa: A bayan tashin bom din dan sanda guda ya rasa ransa, inda wasu biyu suka jikkata, kuma wasu biyar na daban sun bace bayan tashin bom din ko sama ko kasa.

Majiyar 'yan sandan ta kara da cewa: Mayakan kungiyar ta'addanci ta Al-Shabab suna yawaita kai komo a yankin na Mararani da ke kusa da kan iyaka da kasar Somaliya da nufin aiwatar da hare-haren ta'addanci a kasar Kenya.