Zimbabwe: An Nada Soja A Matsayin Mataimakin Shugaban Jam'iyyar Zanu

Tashar telbijin din France 24 ta ambato majiyar tsaron kasar na cewa an nada Constantino Chiwenga a matsayin mataimakin shugaban jam'iyyar ta Zanu a yau.

Janar Constantino Chiwenga ya kasance daya daga cikin wadanda suka taka rawa wajen yin matsin lamba ga shugaba Robert Mugabe ya yi murabus.

Shugaban kasar Emrason Mnangagua ne ya sanar da dadin janar din.

Bayan saukar shugaban kasar Robert Mugabe daga kan karagar mulki, kasar ta Zimbabwe tana ganin sauye-sauye a fagage da dama.

Daga sauyin da kasar ta gani, da akwai mayarwa da fararen fatar kasar gonakinsu da shugaba Robert Mugabe ya kwace ya bai wa bakaken hula.