Kenya : Ana Zaman Dar-dar Gabanin Ranstuwar Odinga

A Kenya ana cikin zaman dar-dar a daidai lokacin da jagoran 'yan adawa na kasar Raila Odinga, ke shirin rantsar da kansa a matsayin shugaban kasar.

Bayanai daga kasar sun ce akwai yiwuwar a samu barkewar tashin hankali tsakanin jami'an tsaro da kuma magoya bayan jagoran 'yan adawan.

Yau Talata ne dai jagoran 'yan adawan kasar  Raila Odinga ya ce zai rantsar da kansa a matsayin shugaban kasar ta Kenya.

'Yan sanda kasar dai sun haramta bikin rantsuwar da aka shirya yi a dandalin ''Parc Uhuru'' dake Nairobi babban birnin kasar.  

Kafin hakan dai gwamnatin kasar ta Kenya ta sanar da cewa ba zata amunce da bikin  ba.