Yemen: An Kashe "Yan Koren Saudiyya 20 A Kan Iyaka
Jan 28, 2019 07:46 UTC
Sojojin Yemen da su ka yi bata-kashi da 'yan koren Saudiyya sun kashe 20 daga cikinsu
Tashar Talbijin din 'al'alam' ta ambato majiyar sojan Yemen suna cewa; Da marecen ranar Asabar an yi taho mu gama a tsakanin sojojin Yemen da 'yan koren Saudiyya a gundumar Najaran dake kudancin Saudiyya, tare da kashe ashirin daga cikinsu da kuma jikkata wasu 30.
A wani gefen, sojojin na Kasar Yemen sun harba makamai biyu masu linzami samfurin Zilzal 1 akan sansanin 'yan koren Saudiyyar da ke Sahara'ul Baqi'a a gundumar Najran
Kawo ya zuwa yanzu babu cikakken rahoto akan adadin asarar da harin ya haddasa
Saudiyya ta shelanta yaki akan Yemen a 2015 bisa cikakken goyon bayan Amurka. Ya zuwa yanzu mutanen da kawancen yakin na Saudiyya ya kashe sun kai 14,000.
