EU Ta Yaba Da Zaben Senegal

Tawagar masu sanya ido ta kungiyar tarayyar turai a zaben Senegal, ta yaba da yadda zaben shugaban ya gunada.

A sanarwar da tawagar ta fitar ta ce abun yabawa ne yadda zaben shugaban kasar ta Senegal ya gudana, duk da dambarwar siyasar kasar.

A cewar shugabar tawagar ta EU, a zaben na Senagal, 'yar majalisar tarayya turai, Elena Valenciano, babu wasu matsaloli na azo a gani da aka fuskanta a yayin kada kuri'a a zaben, saidai abunda ba'a rasa ba, kamar matsalar rashin samun sunayen wasu masu zabe a girgam.

Shugabar tawagar ta kuma yi kira ga 'yan siyasar dasu kai zuciya nesa a daidai lokacin da ake ci gaba da jiran sakamakon zaben da aka kada kuri'arsa a ranar Lahadi data gabata.