An Gano Wasu Gungun 'Yan Ta'adda A Gefen Birnin Tehran
Shugaban 'yan Sandar Jumhoriyar musulinci ta Iran ya sanar da cewa a safiyar yau Assabar, jami'an 'yan sanda sun gano tare da Cabke wani gungun 'yan ta'addar a gefen birnin Tehran.
Kamfanin dillancin labaran Iran ya nakalto Birgediya Janar Hussein Ashtary Shugaban 'yan sandar Jumhoriyar musulinci taIran na cewa tun bayan harin ta'addancin da aka kawo birnin tehran Larabar da ta gabata, jami'an 'yan sanda da Dakarun sa kai gami da sauren jami'an tsaron kasar, suka dukufa wajen gano tare kame duk wani gungun 'yan ta'adda dake cikin kasar kuma a safiyar yau Assabar, an samu nasarar cabke wasu 'yan ta'addan a gefen birnin Tehran.
Tawagen harin ta'addancin da aka kai Majalisar Shawarar musulinci da kuma Haramin Imam Khomeini(Q) dake birnin Tehran ranar Larabar da ta gabata ya yi sanadiyar shahadar Mutane 17 tare da jikkata wasu 52 na daban.
A nasa bangare Ahmad Fazelian Shugaban bangaren Shari'a na yammacin birnin Tehran ya ce a safiyar yau Assabar an gano tare da cabke Mutane 7 da suka taimaka 'yan ta'addar da suka kai harin birnin Tehran a garin Fardis dake Jihar Alborz.
