Jagoran Juyin Musulunci Ya Jagoranci Sallar Idi A Birnin Tehran

Ayatullah Sayyid Ali Khmanei ya kira yi al'ummar musulmi da su ci gaba da riko da ibadu kamar yadda su ka yi a cikin watan Ramadan mai alfarma.

Ayatullah Sayyid Ali Khmanei  ya kira yi al'ummar musulmi da su ci gaba da riko da ibadu kamar yadda su ka yi a cikin watan Ramadan mai alfarma.
 Har ila yau, Ayatullah SayyidAli Khamnei ya yi ishara da yadda a cikin Iran aka raya watan na azumi da ibadu, wanda ya zama tamkar  taska ce ta raya zuciya wacce ya kamata musulmi su kiyaye ta.

Bugu da kari jagoran ya jinjinawa al'ummar Iran akan raya ranar kudus a Iran a juma'ar karshe ta watan Ramadan.

Da ya ke magana akan siyasar gabas ta tsakiya, jagoran na juyin musulunci ya kira yi mutane da su taimakawa mutanen kasar Yemen da ake zalunta.

Har ila yau, ya yi magana akan harin da Iran ta kai da makamai masu linzami akan sansanin 'yan ta'adda a Syria, wanda ya ke al'amari ne mai girma.