Iran Na Bikin Cika Shekaru 39 Da Samu Nasarar Juyin Musulunci

Yau, 11 ga watan Fabarairu, al'ummar Iran ke bikin cikar shekaru 39 da samun nasarar juyin juya halin musulunci a kasar, karkashin jagorancin marigayi Imam Khomaini.

Kamar yadda aka saba a kowace shekara, al'ummar kasar na gudanar jerin gwano domin nuna goyon baya ga tsarin da kasar take a kansa.

A nan birnin Tehran dubun dubatar jama'a ne ke haduwa a dandalin 'yanci na ''Azadi'', inda manyan jami'an kasar ciki har da shugaban kasar ke jawabi. 

Kamar yadda a sauran dukkanin garuruwa da manyan biranen kasar miliyoyin jama'a ke gudanar da irin wadannan taruka, tare da kara jaddada goyon bayansu ga juyin juya halin musulunci.