Taron Kwamitin Kasashen Da Suka Rage A Yarjejeniyar Nukiliyar Iran
Kwamitin kasashen da suak rage a yarjejeniyar nukiliyar Iran, ya kawo karshen wani zamansa a birnin Vienna, wanda shi ne irinsa na farko tun bayan ficewar Amurka daga yarjejeniyar da aka cimma da Iran a 2015.
Kananan ministocin harkokin waje na kasashen da suka hada da (Rasha, Jamus, Faransa, Biritaniya da China) da kuma Iran ya kawo karshe bayan shafe awa uku na tattauna ba tare da halartar Amurka ba.
Bayan tattaunawra karamin ministan harkokin wajen Iran, Seyyed Abbas Araqtchi, ya yi wata ganawa da sauren kasashen da suka harlarci taron.
Wasu majiyoyin jami'an diflomatsiya na turai sun shaida cewa akwai wahala a kai ga cika dukkan sharuddan da Iran ta gindawa.
Saidai wakilin kasar Rasha a tattaunawar ta Vienna, ya shaida cewa, yana kyau a kara kaimi, tunda akai alama mai kyau, ta ci gaba da aiki da yarjejeniyar da aka cimma wa da Iran.
Shi ma dai sakatare Janar na hukumar yana yaduwar makaman nukiliya ta duniya, (IAEA), cewa da Yukia Amano, wanda shi ma ya halarci taron na Vienna, ya sake nanata cewa Jamhuriya Musulinci ta Iran na kiyaye wa da kuma mutunta yarjejeniyar da aka cimma da ita.
A daya bangare kuma tashar talabijin ta Al-Mayadeen, ta rawaito cewa, ministocin harkokin waje na kungiyar tarayya Turai zasu yi a wani taro a ranar 28 ga wata nan domin yin waiwaiye akan yarjejeniyar.
