Sojojin HKI Sun Yi Awan Gaba Da Palastinawa 7
Dakarun tsaron Haramcecciyar kasar Isra'ila sun kai farmaki kan Palastinawa a wannan lahadi tare da yin awan gaba da Mutane 7
Hukumar gidan Radio da Telbiljin na kasar Iran ya habarta cewa a safiyar yau Lahadi, Dakarun tsaron HKI sun kai farmaki kauyen Surif dake yammacin garin Alkhalil, inda suka dinga bincike gida-gida tare kuma da yin awan gaba da Palastinawa guda biyu.
Har ila yau Sojojin HKI sun kai farmaki gidajen Al'umma a sansanin Al'arub dake arewacin Alkhalil tare da yin awan gaba da Palastinawa guda 4, a bangaren tsohon garin na Khalil, Sojojin haramcecciyar kasar Isra'ilan sun yi awan gaba da wani matasi mai shekaru 14 a Duniya.
Ko baya da hakan Sojojin HKI sun yi awan gaba da wani Palastinan da ba a jima da fitowa ba daga gidan Kason na HKI a kauyen Juyus a yayin da ya fara aiki a cikin gonarsa.
