Wani Bapalastine Yayi Shahada A Kudancin Baitu-Laham

Wani Matashi Baplastine yayi shahada bayan da wani Bayahude dan kama wuri zaune ya kade shi da Mota a kusa da kauyen Khadar dake kudancin Baitu-Laham na gabar tekun Jodan

Cibiyar Kafafen yada Labarai ta yankin Palastinu ta habarta cewa a safiyar wannan juma'a wani Bayahude dan kama wuri zauna ya kade wani matashin Bapalastine mai suna Umar Ahmad Abu Galyun mai shekaru 37 a Duniya wanda kuma yake da dan karamin wurin cin abinci da shan shayi a kauyen Khadar dake kudancin Baitu-Laham, inda aka garzaya da shi zuwa Asibiti, saidai jim kadan da kai shi asibitin rai yayi halinsa.

A ko wata shekara Palastinawa da dama ne suke yi shahada musaman ma kananen yara sanadiyar karewa da mota daga bangaren Yahudawa 'yan kama wuri zauna a yankin Palastinu.