Palasdinu: Da'esh Ta Dauki Alhakin Kashe Kwamandan Kungiyar Hamas

A jiya alhamis ne dai aka kai harin kunar bakin wake a yanki9n Rafaha da ke kan iyakar palasdinu da Gaza, wanda ya yi sanadin shahadar NIdhal al-ja'afari, da yake daya daga kwamandojin Izzuddin alkassam.

Cibiyar watsa labaru ta palasdinu ta ce reshen kungiyar Da'esh da ke Masar ya dauki alhakin kai hari tare da bayyana cewa wanda ya kai shi sunan shi; Mustafa Kilab.

Kungiyar Da'esh ko Isil tana da sansani a cikin yankin kan iyakar Masar da Gaza, kuma ta sha kai hare-hare a cikin kasar Masar.

Kusan shekaru 10 kenan da haramtacciyar kasar Isra'ila ta killace yankin Gaza, yayin da ita Masar take hana palasdinawa shiga cikinta ta mashigar Rafah, in ba a wasu lokuta kalilan ba a shekara.