Sojin Siriya Sun Yi Wa Yankin Al-Mayadeen Kawanya

Dakarun Sojin Siriya sunyi wa yankin Al-Mayadeen kawanya a wunkurin da suke na kwato yankin dake zaman sansani na karshe da kungiyar 'yan ta'adda ta IS ke rike da a gabashin kasar.

Dakarun da jiragen saman Rasha ke marawa baya sun yi nasara yanke hanyar dake hada Al-Mayadeen da lardin Bou kamal dake kan iyaka da Iraki wanda su ne yankuna biyu mahimmai dake hannun 'yan ta'addan kawo yanzu a Siriya.

Yankin Al-Mayadeen dake nisan kilomita 45 daga kudancin Deir Ezzor, a yanzu sojojin na Iraki sun yi masa zobe, kamar yadda kungiyar kare hakkin bil adama ta aksa a Siriya OSDH da majiyoyin gwamnatin suka asanar.

Wannan dai ya sanya 'yan ta'addan cikin tsaka mai wuya kasancewar sai sun tsallake tafkin dake kusa da birnin wanda kuma jiragen sojin Rasha ke shawagi a kan sa.