Isra'ila Ta Kai Hari A Zirin Gaza

Rundinar sojin Isra'ila ta yi ruwan bama-bamai a yankin zirin Gaza da yahudawa suka mamaye.

Rahotanni daga yankin sun ce  wasu jiragai da tankokin yaki ne suka kai harin a Gaza lamarin da ya yi sanadin jikkatar mutane a kalla 25.

An dai kai harin ne da yammacin jiya a yankin dake karkashin ikon mayakan gwagwarmaya na Palastinu a arewa maso gabashin birnin Beit Hanoun, dake arewacin Gaza.

Wannan dai ya biyo bayan wani harin roka 3 da aka harba zuwa Kudancin Isra'ila daga Zirin na Gaza.

A jiya Juma'a dai an yi ta dauki ba dadi tsakanin al'ummar Palastinu dake boren Allah tsine da matakin Traump na ayyana Qudus babban birnin Isra'ila inda Palasdinawa biyu suka rasa rayukansu.