Sojojin Gwamnatin Haramtacciyar Kasar Isra'ila Sun Kashe Wani Matashin Bapalasdine

Wani matashin bapalasdine da ya samu raunuka sakamakon jikkata shi da sojojin gwamnatin haramtacciyar kasar Isra'ila suka yi ta hanyar harbinsa da bindiga, a safiyar yau Asabar ya yi shahada.

A dauki ba dadin da aka yi tsakanin al'ummar Palasdinu da sojojin gwamnatin haramtacciyar kasar Isra'ila a sansanin 'yan gudun hijira na Al-Maghazi da ke yankin Zirin Gaza a jiya Juma'a, sojojin haramtacciyar kasar Isra'ila sun harbi wani matashin bapalasdinu mai suna Jamal Muhammad Muslih dan shekaru 21 a duniya a gefen cikinsa, inda a safiyar yau Asabar ya yi shahada.

A dauki ba dadin da aka yi tsakanin Palasdinawa da sojojin gwamnatin haramtacciyar kasar Isra'ila 'yan mamaya a yankin Zirin Gaza a jiya Juma'a; Palasdinawa fiye da 50 ne suka jikkata, kuma halin 4 daga cikinsu ya tsananta.