Syria: An kashe Sojojin Turkiya Da Dama A yanain Afrin

majiyar Kurdawa ce ta sanar da kashe sojojin Turkiya biyar tare da jikkata wasu a kauyen ALi-Kara, ayankin Afrin.

Majiyar ta ci gaba da cewa an yi bata-kashi ne a tsakanin mayakan Kurdawan da kuma sojojin Turkiya, kuma baya ga kashe biyar daga cikinsu, an jikkata wasu shida.

Shugaban cibiyar watsa labaru na mayakan Kurdawa, Mustafa Bali ya ce; Turkawan suna kokarin kawar da hankali mutane ne daga kan shan kashin da suke yi a yankin na Afrin.

Makwanni biyu kenan da sojojin na Turkiya suka kutsa cikin kasar Syria domin fada da Kurdawa, sai dai har yanzu suna fuskantar turjiya daga mayakan Kurdawa.