An Kori Manyan Hafsoshin Soji A Saudiyya

Sarki Salman na Saudiyya ya sallami wasu manyan jami'an sojin kasar, ciki har da babban hafsan sojin kasar, Janar Abdel Rahmane ben Saleh al-Bunyan.

Tuni kuma aka maye gurbinsa da Laftana Janar Fayyad al-Ruwaili. 

An kuma sallami babban hafsan sojin sama da kuma na kasa.

Sanarwar da kamfanin dillancin labaren kasar ya fitar, ta ce an tura jami'an ne ritaya.

Wannan matakin dai na zuwa a daidai lokacin da yakin da kasar ke jagoranta a kasar Yemen yaki ci yaki cinyewa.