Siriya : An Fara Kwashe 'Yan Tada Kayar Baya A Yankin Ghouta

A karon farko tun bayan farmakin da dakarun Siriya ke kaiwa a yankin gabashin Ghouta, wani ayarin motocin 'yan tada kayar baya ya fice daga yankin.

Wannan dai na daga cikin yarjejeniyar da Rasha ta cimma da da gungun mayakan Ahrar al-Cham na ficewa daga yankin. 

Da yammacin jiya motocin sufurin al'umma da dama ne dauke da fararen hula da mayakan suka fice daga Haraska inda suka nufi yankin Ibled dake arewa maso yamma.

Har zuwa ranar jiya Alhamis  ana ci gaba da barin wuta tsakanin dakarun gwamnatin Siriya da 'yan tada kayar bayan. 

Gidan talabijin din kasar Siriya ya ce mutane hudu ne suka rasa rayukansu a hare haren roka da masu tada kayar bayar suka harba zuwa Damascos babban kasar ta Siriya.