Palastinawa Biyu Sun Yi Shahada A yayin Zanga-zangar Zirin Gaza

Dakarun HK Isra'ila sun bindige Palastinawa 2 har lahira a yayin zanga-zangar da suka gudanar jiya Alhamis a yankin zirin Gaza.

Kakakin ma'aikatar kiyon lafiya na Palastinu a yankin Zirin Gaza Ashraf Kudrat ya ce sojojin haramtacciyar kasar Isra'ila sun buda wuta kan wani matashin Bapalstine mai suna Nabil Marwan Khadri mai shekaru 23 da haifuwa , lamarin da ya yi sanadiyar shahadarsa a jiya alhamis.

Kudrat ya ce ko baya ga wannan, akwai wani matashin mai suna Shadi Hamdan Al-Kashif mai shekaru 34 da ya rasu a jiya alhamis din bayan ya kwashe kwanaki 6 yana jiya sakamakon harbin da jami'an tsaron Isra'ilan suka yi masa a ranar juma'ar da ta gabata.

Daga farkon fara zanga-zangar Palastinawa na neman a dawo musu da hakinsu da aka fara a ranar juma'ar da ta gabata zuwa jiya alhamis Palasitnawa 20 ne suka yi shahada yayin da wasu sama da dubu daya da 900 ne suka samu rauni.