Gaza : Sojojin Isra'ila Sun Kashe Palasdinawa 5

Rahotanni daga zirin Gaza na cewa, Palasdinawa 5 ne sukayi shahada sakamakon harbin bindiga da sojojin yahudawan mamaya na sahayoniya suka masu a ci gaba da zanga zangar da suke kan iyakar yankin da Is'ra'ila.

Ma'aikatar lafiya a yankin Palastinu ta ce ko baya ga mutanen biyu da sukayi shahada da akwai wasu mutane kimanin 250 da suka raunana, sakamakon harbin bindiga ko kuma hayaki mai sa kwalla da aka harba masu.

Su dai Palasdinawan na ci gaba da zanga-zangar neman wasu 'yan gudun hijira ne su koma yankunan su ne na asali da Isra'ilar ta mamaye.  

Kimanin Palasdinawa 19 ne suka yi shahada tun bayan soma zanga zanga a makon jiya.

Duk da sukan matakin na Isra'ila wajen murkushe masu zanga zangar daga MDD da kungiyar tarayya Turai da wasu kasashen musulmi, mahukuntan yahudawan 'yan mamaya na Isra'ila sun ce ko a wannan karo zasu yi amfani da karfi don kawar da masu zanga zangar.