Turkiyya : Abokin Takarar Erdogan Ya Amince Da Shan Kayi A Zabe

Babban abokin hammayar Shugaba Recep Tayyip Erdogan a zaben Turkiyya, Muharrem Ince, ya amince da shan kayi a zaben shugaban kasar da aka kada a jiya Lahadi.

Mista. Ince, ya bayyana a wani taron manema labarai a birnin Ankara yau Litini cewa, ya yarda da shan kayi a zaben tare da kira ga Mista Erdogan da ya zamo shugaban dukkan al'ummarTurkawa.

Shugaba Erdogan dai ya lashe zaben ne da kusan kashi 53% na yawan kuri'un da aka kada, kamar yadda kamfanin dilancin labaren gwamnatin kasar na Anadolu ya rawaito.