Wani Bapalastine Guda Ya Yi Shahada Sanadiyar Farmakin Sojojin Isra'ila

A ci gaba da farmakin da Sojojin HK Isra'ila ke kaiwa sansanin yankin kogin jodan, wani Bapaltine ya yi shahada sannan wasu da dama sun jikkata.

Kafar watsa labaran Ma'an na Palastinu ya habarta cewa a safiyar yau Litinin dakarun HK Isra'ila sun kai farmaki a sansanin Addahisha na kudancin Baitu-laham dake yankin taken jodan, inda suka kashe wani Bapalastine guda tare da jikata wasu da dama na daban.

A jiya lahadi ma dakarun Isra'ila sun jikkata akalla palastinawa 4 a arewa, da gabashin yankin zirin Gaza.

Har ila yau, a ci gaba da farmaki da Sojojin Sahayuna ke kaiwa masu zanga-zangar neman dawo da hakki , a ranar juma'ar da ta gabata , Sojojin Isra'ila sun kashe Palastinawa 4 tare da jikkata wasu 210 na daban.