Dubban Mutane Suna Gudanar Da Zanga-Zangar La'antar Trump A Belgium

Dubun-dubar jama'a ne suke gudanar da gangami da zanga-zanga a birnin Brussels da ma wasu biranan kasar Belgium, inda suke la'antar shugaban Amurka Donald Trump, tare da nuna rashin amincewarsu da zuwansa a kasarsu.

Kamfanin dillancin labaran Fars ya bayar da rahoton cewa, daliban jami'oin kasar ta Belgium ne suka shirya gudanar da wannan zanga-zanga, amma daga bisani hatta sauran mutanen gari suna shiga cikin zanga-zangar.

A yau ne dai shugabannin kasashe mambobi a kungiyar tsaro ta NATO za su gudanar da zama a birnin Brussels na kasar ta Belgium, wanda shugaban na Amurka Donald Trump zai halarta.