Takun Tsaka Tsakanin Amurka Da Biritaniya Kan Harin Manchester

An shiga wani takun tsaka tsakanin Amurka da kasar ta Biritaniya akan wasu bayanai da jaridu suka wallafa a Amurka kan harin ranar Litini wanda ya  hallaka mutane 22 tareda raunana wasu 59 a Manchester.

Tuni dai Firaministar Biritaniyar Theresa May, ta ce zata tattauna wannan batun da shugaba Donald Trump na Amurka a daura da taron kungiyar tsaro ta NATO dake gudana yau a Brussels.

A halin da ake ciki dai an tsaurara kwararen matakai na tsaro a yayin da kuma ake ci gaba da bincike kan harin.

 Sarauniya Ingila Elizabeth ta ziyarci mutanen da harin harin na Manchester ya raunana, a yayinda kuma akayi tsit na minta guda domin juyayin wadanda suka hallak a harin.