Jamus: Wani Mahari Ya Kashe Mutane Da Dama A Garin Münster

'Yan sandan Jamus sun ce; Harin da wani mutum ya kai da mota ya yi sanadin mutuwa da jikkatar mutane 33 a garin Münster

Mutumin wanda aka tabbatar dan kasar ta Jamus ne, ya take mutanen da suke tafiya a gefen titi, inda nan take ya kashe mutane 3 tare da jikkata wasu fiye da 20.

"Yan sandan da suke gudanar da bincike suna daukar harin a matsayin na ta'addanci.

Har ila yau, yan sandan suna  karbar bayanai daga mutanen da su ka ganewa idanunsu abin da ya faru domin samun karin haske.

Kasashen turai da dama da suka hada da Jamus suna tsaurara matakan tsaro domin fuskantar ayyukan ta'addanci.

Da akwai 'yan ta'addar kasashen turai da dama da su ka yi yaki a kasashen yankin gabas ta tsakiya,wadanda a halin yanzu sun koma gida.