Wani Sojan Afghanstan Ya Kashe Abokan Aikinsa

Wani sojan kasar Afganistann ya kashe abokan aikisa 8 , ya kona gawakinsu sannan ya kwashe makamansu ya koma cikin mayakan Taliban.

Majiyar muryar turancin ingilishi a nan JMI ta nakalto kakakin yansanda a yankin da abin ya faru Khalil Asir yana fadar haka. Khalil ya kara da cewa a safiyar ranar Alhamis da ta gabata ce abin ya faru a wani wurin bincike na jami'an tsaron kasar a lardin Khwaja-Ghar . Ya ce bayan kiashe abokan aikinsa 8 ya kona gawakinsu kafin ya kwashe makamansu ya yi gaba.

Wannan ya faru ne kwanaki kadan kenan da wani jami'in tsaron kasar ta Afganistan ya kashe sojan Amurka sannan ya tsere zuwa yankin da yan Taliban suke iko da shi a kasar. 

Labarin ya kara da cewa tun shekara ta 2017 zuwa 2018 an sami irin wadannan hare-hare na cikin gida har sau 47. a wurare daban -daban a kasar ta Afganistan.