Kungiyar Kwallon Kafa Ta Real Madrid Ta Zama Zakaran Turai

Kungiyar kwallon kafa ta Real Madrid ta kasar Spain ta lashe gasar zakara zakarun Turai bayan ta lallasa abokiyar karawarta wato kungiyar kwallon kafa ta Atletico Madrid ita ma dai ta kasar Spain din.

A karawar da kungiyoyin biyu suka yi a daren jiya a garin Milan na kasar Italiya, kungiyar Real Madrid din ta samu nasarar doke abokiyar karawar nata Atletico da ci 6-4 bayan bugun daga kai sai mai tsaron gida da aka yi bayan a shafe mintuna 120 aka fafatawa tsakanin kungiyoyin biyun.

An tashi asalin lokacin wasan ne dai da ci daya da daya lamarin da kai su ga bugun daga kai sai mai tsaron gida inda Real Madrid din ta zura dukkanin kwallayenta biyar alhali 'yan wasan Atleticon kuma suka zura kwallaye uku.

Fitaccen dan wasan kungiyar ta Real Madrid Cristiano Ronaldo ne dai ya zura kwallo ta karshe da ta ba wa Real Madrid nasarar lashe kofin zakaran zakarun Turai din a karo na goma sha daya.

Rahotanni sun ce magoya bayan kungiyar Real Madrid sun kwashe daren jiyan har zuwa yau din nan suna ta bukukuwa a ciki da wajen kasar ta Spain.