Italiya : An Cafke Masu Safarar Bakin Haure 16

‘Yan sanda a Italiya sun sanar da cafke wasu mutane 16 da ake zargi da safarar baki haure daga kasar Libya zuwa yankin na Turai.

Mutanen da aka cafke ana zargin da jigilar mutane sama da 900 da suka hallaka a makon jiya a takeun bahar rum a kokarin tsallakawa zuwa Turai.

‘Yan sanda sun cafke mutanen ne bayan wasu daga cikin wadanda suka tsira da rayukansu suka taimaka ma su da bayanai.

wadanda aka kama sun hada da 'yan kasar Marocco 11, da Falastinawa 2, da kuma wani dan Habasha da Masar guda, sai kuma wani dan Gambia guda dake zamen matukin jirgin ruwan.

Kasashen Turai na kokarin gani sun kawo karshen safarar bakin haure zuwa Nahiyar, bakin da suka hada da yan kasar Syria, Libya dama na wasu kasashen Afrika ta yama.