«Յոթ օրանգ» Իրանի ազգագրական երաժշտություն (10)
Նախորդ հաղորդման ընթացքում խոսեցինք թուրքմենական երաժշտության մասին և այսօր կշարունակենք մեր զրույցը:
Ողջույն Ձեզ հարգարժան ռադիոլսող բարեկամներ: Ներկայացնում ենք «Յոթ օրանգ» հաղորդաշարի հերթական թողարկումը: Նախորդ հաղորդման ընթացքում պատմել էինք թուրքմենական ցեղերի ու թուրքմենական երաժշտության մասին, ծանոթացանք թուրքմենական տարբեր գործիքների հետ։ Այս հաղորդման ընթացքում մենք ավելի շատ կխոսենք թուրքմենական երաժշտության և երգեր մասին։ Մնացեք մեզ հետ։
Թուրքմեն սահրայի բնակիչները հատուկ երգեր ունեն հատուկ իրադարձությունների կամ մարդկանց համար: Տեղական երաժշտին թուրքմեններն անվանում են Բախշի, իսկ երաժիշտների ու երգիչնեի ղեկավարին՝ Խալիֆա բախշի: Այս խումբը կազմված է լինում մեկ դոթառահարից և մեկ քամանչահարից: Այս ոլորտում կիրառվող մյուս անուններից կարելի է նշել այդըմը, որը թուրքմեն քոչվորների բանավոր խոսքի կարևոր մաս է կազմում: Այդըմը վերաբերվում է սիրուն, հերոսությանը և մարդկային այլ զգացմունքների:
Թուրքմեն սահրան ընդարձակ հարթավայր է, որի մի մասը գտնվում է Իրանում: Այս տարածքն ու ունի կլիմայական բազմազանություն, ինչն ազդել է նաև տեղի բնակիչ թուրքմենների երաժշտության վրա: Իսկ ձիուն նմանեցվող կենդանու կարևորությունը թուրքմենների երաժշտության ու գրականության մեջ գեղեցիկ ստեղծագործությունների հիմք է դարձել: Երաժշտությունից բացի, թուրքմեններն ունեն նաև հարուստ գրականություն, որում ներկայացվում է այս ժողովդրի տառապանքն ու ցավը: Մագթիմգուլի Փիրաղին թուրքմեն ականավոր գրող է։ Նա իր բանաստեղծություններում առավելապես անդրադարձել է հասարակական-քաղաքական խնդիրներին։
Թուրքմենական երաժշտության գոյատևման հիմքը մաղամն է, որն իրենից ներկայացնում է երգերի խումբ, որոնք հնչում են հստակ ընդմիջումներով:
Թուրքմենկան երաժշտության մեջ կան մաղամների տարբեր տեսակներ, որոնք ներկայացվում են չորս դասթգահներով՝ քերեք լար, թաջնիս, մոխամես, նավայի: Այս դասթգահներից յուրաքանաչյուրը ստեղծել են անհայտ բայց հմուտ վարպետներ, և դրանք հին օրերից մինչև հիմա շարունակում են մնալ թուրքմենական երաժշտության մեջ: Թուրքմենական երաժշտական դասթգահները սովորաբար տարբերվում են ըստ թաամդիրայում (թուրքմենական դոթառ) օգտագործվող լարերի քանակի և դրանց հաջորդականության։
Թուրքմենական հայտնի մաղամներից են «Քոռօղլին», «Բալ Սայադը», «Գեոկ Թեփեն», «Դարաեյ Դուն Լին», «Յագմա Բուլոտը» կամ «Նաբար- էյ բանարը», «Թալթիղ լարը» և «Զոհրե ու Թալարը»-ը: Բախշիի կողմից կատարվող թուրքական և թուրքմենական երգերի մեծ մասը կատարվում են թաջնիս, մոխամես, նավայի մաղամներում:
«Քոռօղլին» ամենաշատ կատարվող և ամենահայտնի ստեղծագործություններից է: Դրա հիմքում համանուն էպոսն է: Այն առանձնահատուկ նշանակություն ունի թուրքմենների, ղաշղայիների և ադրբեջանցիների համար: Երգը պատմում է այն մասին, որ Քոռօղլիի հորը, Հասան Խանի հրամանով կուրացնում են: Հետո հայրը, Քոռօղլուի հետ միասին և 40 նվիրյալների ուղեկցությամբ, հաստատվում է «Չենլի բել» կոչվող ամրոցում, որտեղից Քոռօղլուն ապստամբություն է սկսում Խանի դեմ և հաղթում։ Քոռօղլուն հերոս է, որի մասին միայն թուրքմենները չէ, որ երգում են: Նա հայտնի է նաև Ադրբեջանում, Վրաստանում, Թուրքիայում, Ուզբեկստանում և Աֆղանստանում։
լսենք «Քոռօղլի» ստեղծագործությունը՝ Քելիչ Անվարիի կատարմամբ:
Միասին ունկնդրեցինք «Քոռօղլի» ստեղծագործությունը՝ Քելիչ Անվարիի կատարմամբ:
Թուրքմենական երաժշտության մյուս հատնի մուղամը «Բալ Սայադին» է: Այն պատմում է Համրայի ու Սայադի սիրո մասին: Լսենք այս ստեղծագործությունը՝ թուրքմեն Աղ Մորադ Չարիֆի և իրանցի Էրիմ Շիրմամթելիի կատարմամբ:
Միասին ունկնդրեցինք այս գեղեցիկ ստեղծագործությունը՝ թուրքմեն Աղ Մորադ Չարիֆի և իրանցի Էրիմ Շիրմամթելիի կատարմամբ:
Թուրքմենական մյուս հայտնի ստեղծագործությունը կոչվում է «Զեքր Խանջար» կամ «Խանջարի պար»: Ստեղծագործությունը կատարում են ավանդական հագուստով և գոտկատեղին դաշույն կրող տղամարդիկ: Այս ստեղծագործությունն ինչպես նշում են թուրքմենները, սկսել են կատարել իսլամից երեք դար առաջ և այն իրենից ներկայացրել է էպիկական թեմաներով կատարվող ծիսական ներկայացում: Եվ խմբի անդամների կողմից դաշույն կրելու սովորույթը գալիս է հենց հին ժամանակներից: Նախաիսլամական շրջանում բանաստեղծությունների թեման էպիկական էր և նկարագրում էր ցեղի մարտիկների քաջությունն ու սխրանքը։
Սակայն իսլամից հետո բանաստեղծությունները կրոնական երանգ ստացան ու դրանց բովանդակությունը դարձավ Աստծու ու Նրա սրբերի հիշատակումն ու գովաբանությունը:
«Զեքր Խանջար» արարողության ժամանակ 6 հոգուց բաղկացած խումբը պտտվում է կրակի շուրջը: Կրակի մոտ վերադառնալիս պարողները հատուկ ձայներ են հանում: Պարելիս նրանք կատարում են ոտնաթաթով շրջանաձև, հետ ու առաջ շարժումներ: Պարողների կողքին կա Փարխվան անունով անձ, ով իր վանկարկումներով ուղեկցում է խմբին։ Փարխվանը ելույթի ժամանակ շարունակում է աղոթել և երգել։
Ամեն պտույտի ժամանակ խմբի անդամները վանկարկում են «ահայ, ահայ , ահայ….»: Պտույտներն ու պարը շարունակվում են մոտ 15 րոպե: Վերջում փարխանը բարձրացնում է դաշույնը, որից հետո խմբի բոլոր անդամները ձեռքերը բարձրացնում են վերև ու միացնում իրար՝ նմանեցնելով գմբեթի:
Այժմ միասին լսենք «Զեքր Խանջար»-ում հնչող երգեցողությունից մի հատված, որը կատարվում է առանց երաժշտական գործիքների:
Հարգելի ընկերներ, հուսով ենք, որ ձեզ դուր եկավ այս հաղորդումը: Մինչև հաջորդ հաղորդում, Աստված պահապան բոլորիդ։