چین د افغانستان دبریښنا په صنعت کې پانګونه کوي
د چین خارجه وزیر وانګ یی،د تاشکند دناستې په څنډې کې په افغانستان کې دطالبانو د موقته حکومت دخارجه وزارت له سرپرست امیر خان متقي سره په کتنې کې د اقتصادي بیا روغونې لپاره له دغه هیواد سره د هراړخیزو مرستو خبر ورکړی ؤ
فارس خبری اژانس راپور ورکړ ، دطالبانو دموقته حکومت ویندوي ذبیح ا... مجاهد نن پخپل یوه ټولنیز پیغام کې د افغانستان دبریښنا د بټیو په برخې کې د چین د پانګونې خبر ورکړ او وې وئیل، د افغانستان په شمال کې په شبرغان کې د ګیسو د یوه میدان د د اکتشاف او پراختیا او دغه راز د درې سوه میګاواټي بټۍ د جوړولو لپاره د چین له یوه حکومتي شرکت سره تفاهم نامه لاسلیک شوې ده .
له دې مخکې د چین خارجه وزیر وانګ یی،د تاشکند دناستې په څنډې کې په افغانستان کې دطالبانو د موقته حکومت دخارجه وزارت له سرپرست امیر خان متقي سره په کتنې کې د اقتصادي بیا روغونې لپاره له دغه هیواد سره د هراړخیزو مرستو خبر ورکړی ؤ.
د ذبیح ا... مجاهد دغه څرګندونې په داسې شرائطو کې دي چې د افغانستان په چارو کې د چین ځانګړي استازي د دوواړخیزو اړیکو د پیاوړتیا په موخې سره کابل ته سفر کړی دی . یوشیایونګ دطالبانو له لوړپوړو چارواکو سره په لیدوکاتو کې وئیلي دي،دکابل او بیجینګ دوه اړخیزو اړیکو په تیر یوه کال کې ډير زیات پرمختګ کړی دی.
د چین دغه لوړپوړي چارواکي زیاته کړې،چین په نظر کې لري څو له افغانستانه د تازه او وچې میوې په وارداتو سره ددغه هیواد له اقتصاد سره مرسته وکړي. دطالبانو د خزانې وزارت هم له دې مخکې وئيلی وو، چې د سرپل ولایت د قوشقری د تیلو د زیرمې څخه د ویستنې تړون هم یوه چینی شرکت سره لاسلیک شوی دی.داپه داسې شرائطو کې دي چې په افغانستان کې د چین د سفارت مسئولانو هم وئیلي وو،په کابل کې ددغه هیواد په سفارت کې د افغانانو لپاره د وزیرو د صادرولو بهیر پیل شوی دی.
