کابل ته د حکمتیار تګ ته د ولسي جرګې غبرګونونه
په کابل کښې د افغانستان د حزب اسلامي د مشر شتون د دغه هیواد په ولسي جرګه کښې د حکمتیار د مخالفانو او موافقانو غبرګونونه په ځان پسې لرلي دي.
د افغانستان د ولسي جرګې مشر عبدالرؤف ابراهیمي نن د حکمتیار له حزب اسلامي څخه په ملاتړ سره له هغه سره د دغه ګوند د مخالفانو د ملګرتیا غوښتنه وکړه او زیاته یې کړه: له حزب اسلامي سره د حکومت د سولې موافقه په یو بین الافغاني بهیر کښې رامینځته شوې ده.
په ولسي جرګه کښې د بدخشان د خلکو استازې فوزیه کوفي له ګوندونو سره د افغانستان د حکومت د چلند په هکله په خبرداري سره وویل: حزب اسلامي ته پکار دي چې خپلې وسلې وسپاري ځکه چې د دې ګوند کسان د خپل سر د ساتنې لپاره وسلې نه سپاري او د سولې په بهیر کښې له وسلو سره د حکمتیار ملګري کیدل ښه پلمه نه ده.
د حزب اسلامي مخالفان چې زیاتره د کابل خلک دي، حکمتیار د کورنیو نښتو په دوران کښې د جنګي جنایتونو په ترسره کولو تورنوي او د هغه د محاکمه کیدو غوښتونکي دي.
