افغان ولسمشر د صلحې په خبرو کښې د اساسي قانون په دفاع تاکيد وکړ

افغان ولسمشر محمد اشرف غني ویلي د هیواد ګټو لپاره هر ډول قرباني ورکولی شي، خو په اساسي قانون به هیڅ کله معامله ونه شي.

محمد اشرف غني دا خبرې تیر ه ورځ په ارګ کښې د ولسي جرګې له یو شمیر غړو سره په لیدنه کښې کړي دي.

اشرف غنی ویلي افغانان د داسې صلحې غوښتنه کوي چې په هغې کښې خلق امنیت، هوساینه او خپل حقوق وویني.

د افغان ولسمشر په وینا د جمهوریت تر ټولو مهم اصل دا دے چې د هیواد درې واړه قواوې د جمهوریت ساتنې لپاره همغږي شي.

ده همداشان د صلحې په خبرو کښې د اساسي قانون او د ښځو حقونو ساتنې باندې ټینګار کړے دے.