د لبنان اسلامي مقاومت غورځنګ حزب الله په اسرائیلو سلګونو توغندي وویشتل
زمونږ خبریال راپور راکړی د لبنان اسلامي مقاومت غورځنګ حزب الله د لبنان په جنوب باندې د صهیونیسټ رژیم د حملو او د جنایتونو دوام ته په ځواب کښې په سلګونو توغندیو سره د صهیونیسټ رژیم په مرکزونو بریدونه وکړل.
د اسرائیلو خبري سرچینو پرون سهار د لبنان له خاورې څخه په اسرائیلو باندې د کابو دوه سوه توغندیو د ویشتل کیدا خبر ورکړ.
د اسرائیلو نیواکګر پوځ وویل چې په عدیسه او ماروان الراس ښارګیو کښې د لبنان د حزب الله د ځواکونو د کمین په عملیاتو کښې د« ګولاني» لیوا دوه ځواکونه وژل شوي دي.
د اسرائیلو نیواکګر پوځ په یوې بیانیې کښې دغه راز د دغه رژیم د اتو نورو ځواکونو د وژل کیدا او د لسګونو نورو د ژوبلیدا خبر ورکړ او په وژل شویو پوځیانو کښې درې پوځي افسران هم شامل دي.
د لبنان حزب الله دغه راز د اسرائیلو د پوځيانو درې مرکاه ټانکونه هم تباه کړي دي.
دغه راز العالم ټيلي ويژن هم د هغو زغرګاډو او ټانکونو چې د حزب الله ځواکونو د صهیونیسټ رژيم له پوځیانو نیولي دي تصویرونه خپاره کړل.
د اسرائیلو نیواکګر رژیم وړمه ورځ او پرون د لبنان سرحد ته نږدې پوځي عملیات وکړل خو د حزب الله ځواکونو ورته سخته مرګ ژوبله واړوله او صهیونیسټي پوځیان په بې شرمۍ سره له سیمې وتښتیدل.
د اسرائیلو پوځیان هیڅکله د لبنان د حزب الله له ځواکونو سره ځمکنی جنګ نشي کولای او حزب الله په تیرو وختونو کښې اسرائیلو ته سخته ماتي ورکړي وه او اوس یې هم ورکوي.
