د ایران د نوي حکومت نظر او د نړیوالې ایټمي موافقې د احیا خبرې اترې
د جامعې نړیوالې ایټمي موافقې د احیاء لپاره د اصلي ګام په توګه د امریکا د بندیزونو د لغوه کیدا تائيدیدا او بیا خپل ایټمي ژمنتیاؤ ته د ایران بیرته ستنیدا، د ویانا دخبرواترو په بهیر کې د ایران پریکنده سیاست دی . امریکا البته د ویانا دخبرواترو په شپږ پړاؤنو کې د ګام په وړاندې د ګام په سیاست ټینګار درلود،چې دایران له خوا د تائيد وړ نه ؤ .
د ایران د اسلامی جمهوریت خارجه وزیر د جرمني،فرانسې او آسټریا له خارجه وزیرانو سره په ټيلیفوني خبرو کې د جامعې نړیوالې ایټمي موافقې او له اروپائي اتحادئې سره د ایران د اړیکو د انډول او منظمونې دبهرني سیاست په باب مشورې وکړې .
حسین امیر عبداللهیان په دغو جلاجلا ټيلیفوني خبرو کې په ویانا کې د جامعې نړیوالې ایټمي موافقې داحیاء د خبرواترو په باب ټينګارکړی،د ویایا خبرې اترې باید د ایران ګټې او حقوق تامین کړي او د امریکا غیر مسئولانه چلند او د اروپائي اتحادئې بې عملي نوره باید پاي ته ورسیږي .
دایران خارجه وزیر وئيلي دي،د ویانا د خبرواترو اصل دمنلو وړ دی او ترسره کیږي،خو هغه خبرې اترې د دفاع وړ دي چې په حقیقي ډول د ایران دحقوقو د تامینیدا،او د بندیزونو د ختمونې لامل وګرځي .
په ایران کې دابراهیم ریئسي په مشرۍ د دیارلسم حکومت واک ته له رسیدا تر مخکې پورې ،په ویانا کې د جامعې ایټمي موافقې د احیاء د خبرواترو شپږ پړاؤنه ترسره شول .د ویانا دخبرواترو موخه،جامعې نړیوالې ایټمي موافقې ته د امریکا بیرته ستنیدا ده،په دې شرط،چې د ایران په ضد د امریکا درست یو اړخیز بندیزونه لغوه او بیا ئې تائيد هم وشي .
د جامعې نړیوالې ایټمي موافقې د احیاء لپاره د اصلي ګام په توګه د امریکا د بندیزونو د لغوه کیدا تائيدیدا او بیا خپل ایټمي ژمنتیاؤ ته د ایران بیرته ستنیدا، د ویانا دخبرواترو په بهیر کې د ایران پریکنده سیاست دی . امریکا البته د ویانا دخبرواترو په شپږ پړاؤنو کې د ګام په وړاندې د ګام په سیاست ټینګار درلود،چې دایران له خوا د تائيد وړ نه ؤ .
ایران باؤري دی امریکا د هغه هیواد په توګه چې له جامعې نړیوالې ایټمي موافقې وتلی دی،باید په لومړي ګام کې خپلې ژمنتیاوې عملي کړي او ایران به له دې وروسته چې د امریکا اقدامات تائيد کړي ،خپلو ایټمي ژمنتیاؤ ته بیرته وګرځي .پخپل یو اړخیز کړچار دامریکا دباؤ، په ویانا کې د جامعې نړیوالې ایټمي موافقې د احیاء خبرې اترې د ایران د مخکیني حکومت په پړاؤ کې بې نتیجې کړې دي .
په ایران کې د نوي حکومت واک ته په رسیدا سره ، تر دې دمه په ویانا کې دنړیوالو ایټمي خبرواترو بیا پيلیدا لپاره کوم نوی تاریخ نه دی اعلان شوی ،خو د ایران نوي حکومت په کرتو ټينګار کړی دی ، یوازې دخبرو لپاره خبرې اترې د منلو وړ نه دي ، د جامعې نړیوالې ایټمي موافقې داحیاء یوازینۍ لاره،د امریکا او اروپا د نړیوالې ایټمي موافقې دژمنتیا، حقیقي او عملی اجرائي کیدا ده او ددغو ژمنتیاؤ له تائيدیدا وروسته ، د خپلو ایټمي ژمنتیاؤ په کمیدا کې هم د ایران ګامونه بیرته دستنیدا وړ دي .
هماغه ډول چې د ایران خارجه وزیر حسین امیر عبداللهیان د فراسنې، جرمني او آسټریا له خارجه وزیرانو سره په ټيلیفوني خبرو کې ټينګار کړی ، ایران دجامعې نړیوالې ایټمي موافقې دساتلو لپاره خپله اساسی ونډه د امریکا د وتلو او د اروپائي لوری دبې عملۍ په مقابل کې په سټراټژيک صبر سره ښودلې ده او اوس د نړیوالې ایټمي موافقې د نورو لورو وخت دی چې لازمه ملګرتیا وکړي او په حقیقي اوعملي توګه دې خپلې ژمنتیاوې اجرا کړي .
له جامعې نړیوالې ایټمي موافقې د امریکا د یواړخیزې وتنې وروسته دخپلو ایټمي موافقې د ژمنتیاؤ په اجرا کې د اروپائي لوري د بې عملۍ او بې وسۍ په وړاندې د ایران منطقي کړچار ،ښئ چې ایران یو ژمن هیواد دی ، البته نور به هیڅکله هم په هر ډول خبرو کې وارد نشي . ایران به یوازې هغو خبرواترو کې چې د ایران د ولس د ګټو اوحقوقو په تامینولو کې ملموسې نتیجې ولرل شي ،ګډون وکړي.
دجوزف بایډن د ولسمشرۍ په پړاؤ کې دامریکا دسیاست څارنه چې دایران په ضد دډونالډټرمپ د زیاتره دباؤ سیاست ماته خوړلی اعلان ک ړی ،ښئ د بایډن حکومت هم په عمل کې دایران په وړاندې همدغې لارې ته دوام ورکړی دی خو هماغه ډول امیر عبداللهیان ټينګار کړی ، ایران به دغه شان دباؤنو ته هیڅکله هم تسلیم نشي .
