د شهید جنرال قاسم سلیماني ویني د دښمنانو خوب ورک کړی دی
د شهید قاسم سلیماني نامه به د هغه له قدرتمند شتون څخه ورآخوا ، د آزادي غواړو په تیره بیا د ځوانانو په ټولنو کې به د مقاومت د جبهې د پیاوړتیا او د سرښیندنې، شهادت، ولایتمدارئ، او د عزتمندئ دکلتور د خپریدا او دودیدا سبب شي او شهید قاسم سلیماني به له سردار قاسم سلیماني څخه لازیات د دښمنانو کور لړزانه او خوبونه به ئې ورک کړي .
زمونږخبریال راپور راکړ ، دایران داسلامی جمهوریت پوځ د زړونو دسردار شهید جنرال قاسم سلیماني د شهادت د دوهمې کلیزې په مناسبت دیوې اعلامیې په خپرولو سره روښانه کړه و دښمن هڅه کوله څو د ایماندار او شجاع قوماندان په شهیدولو سره د مقاومت چورلیز له مینځه وړلی شي ، خو له دې غافل وو ، چې د شهید قاسم سلیماني نامه به د هغه له قدرتمند شتون څخه ورآخوا ، د آزادي غواړو په تیره بیا د ځوانانو په ټولنو کې به د مقاومت د جبهې د پیاوړتیا او د سرښیندنې، شهادت، ولایتمدارئ، او د عزتمندئ دکلتور د خپریدا او دودیدا سبب شي او شهید قاسم سلیماني به له سردار قاسم سلیماني څخه لازیات د دښمنانو کور لړزانه او خوبونه به ئې ورک کړي .
د ایران داسلامی جمهوریت دپوځ په اعلامیې کې ټينګار شوی دی ، دایران د پوځ مبارزان به د سپيڅلي دفاع کې د خپل شتون او د سرلوړي اسلامی ایران د ویاړمن بیرغ په رپوَلو کې د مقاومت د چورلیز د اغیزشیندونکي او پریکنده ملاتړ او د سوچه محمدي اسلام څخه په دفاع کې د توي شوي ناحقه وینو دساتلو او د اسلامی جمهوری نظام او مځکنۍ بشپړتیا او خپلواکۍ د خوندي ساتلو په کلونو کې هماغه شان د مجاهدت او قربانۍ او سرښیندنې په سنګر کې ګوته د ټوپک په لیندۍ ایښي چمتوو وي څو ددغه ملت په ضد هر ډول دسیسه او سپير تفکر په هماغه مرئ کې خپه کړي .
