ایران د غزې په الشفا روغتون د اسرائیلو بریدونه وغندل
زمونږ خبریال راپور راکړی د ایران د اسلامي جمهوریت د بهرنیو چارو وزارت ویاند « ناصر کنعاني چافي» د فلسطین د غزې تړانګې په «الشفا» روغتون کښې د صهیونیسټ رژیم جنایتونه وغندل.
هغه وویل له بده مرغه په تیرو څو ورځو کښې د صهیونیسټ نیواکګر رژيم د څاروي ډوله جنایتونو له کبله د غزې تړانګې په الشفا روغتون کښې یوسل اتیا کلابند شوي ناروغان ، د روغتون ډاکټران او کډوال شوي فلسطینیان شهیدان شوي دي.
د ایران د بهرنیو چارو د وزارت ویاند ناصر کنعاني چافي د غزې په الشفا روغتون کښې د ډاکټرانو ، نرسانو ، د ناروغانو او د ژوبلو کسانو او د کډوال شویو خلکو پرضد د صهیونیسټ رژیم د پوځ بوږنونکو او د انسان ضده جنایتونو د غندلو په ترڅ کشې وویل اوه(۷) ورځې کیږي چې د غزې الشفا روغتون او ګیر چاپیر سیمه له ناروغانو ، د درملنې له کادر او په فلسطیني کډوالو په تیره بیا له ښځو او ماشومانو سره یوځاې چې هلته موجود دي د صهیونیسټ رژيم د پوځ له سختې او غیر انساني کلابندۍ سره مخ ده او د اسرائیلو رژیم په دغه روغتون کښې د بوږنونکو جنایتونو په ترسره کولو سره د خپلو جنایتونو په تور فهرست او له نکبت د ډک ژوند په تاریخ کښې بله شرمونکي پاڼه ورزیاته کړه.
ناصر کنعاني ټینګار وکړ د ایران اسلامي جمهوریت یوځل بیا د غزې تړانګې تر کلابندۍ لاندې د جنګ ځپلیو وسیدونکو او په تیره بیا د فلسطین د مظلوم ملت د ملاتړ په هکله د نړیوالې ټولنې او د اسلامي حکومتونو د مسوولیت یادونه وکړه او د دغو جنایتونو په بندولو کښې د نړیوالو او حقوقي ارګانونو او حکومتونو د اغیز شیندونکي ، پریکنده او سمدستي اقدام او د دغو انساني غمیزو د امرانو، عاملانو او د ملاتړو د تعقیبولو او محاکمه کولو لپاره د جزايي دوسیې د جوړولو غوښتنه وکړه.
