د سپاه پاسداران سمندری ځواکونه پر هرمز سټراټیژیکې اوبلارې بشپړ کنټرول لري
د اسلامی انقلاب د سپاه پاسداران سمندري ځواک په یوې اعلامیې کې وئیلي دي، پر هرمز سټراټیژیک تنګي د اسلامي مبارز ځواک تسلط په بشپړه توګه مشخص دی.
د تسنیم خبري اژانس د راپور له مخې، د اسلامی انقلاب د سپاه پاسداران د سمندري ځواک په اعلامیې کې راغلي دي؛د هرمز تنګي د پرانیستل کېدو په اړه د امریکايي چارواکو څرګندونې ښکاره دروغ دي او یوازې د تېلو د بَیې د کنټرول او د خپلو ناکامیو د پټولو په موخې سره ترسره کېږي.
په اعلامیې کې زیاته شوې: پر دغې ستراتیژیکې اوبلارې د اسلامي انقلاب د سپاه پاسدارانو مبارزو ځواکونو تسلط په بشپړه توګه مشخص دی او هرمز تنګی ئې په خپل ټول قدرت او بشپړ اقتدار سره د هغو ټولو بېړیو پر مخ تړلی دی چې د ایران له اسلامي جمهوریت سره له همغږۍ پرته د تګ راتګ هڅه کوي. مونږ د ایران قدرمن ، زړَور او د الهي رسالت لرونکي ملت ته ډاډ ورکوو چې دغه بهیر به زمونږ د ګران هېواد پر وړاندې د امریکا د ترهګر پوځ د شرارتونو پای ته تر رسېدو او د ټاکل شویو ژمنو تر عملي کېدو پورې دوام ولري.
