روحانی: د قدس نړیواله ورځ د فلسطین د مسئلې د ژوندۍ کېدو ورځ ده
د ایران د اسلامی جمهوریت ولسمشر د سیمې او اسلامی نړۍ اختلافات د صهیونېزم او ټرورېزم په ګټه وبلل او تاکید یې وکړ: په سیمه کښې د صهیونېزم او ټرورېزم د کنټرولولو لپاره پکار دی د اسلامی نړۍ وحدت او یووالے مضبوط کړې شی.
ډاکټر حسن روحانی نن د کابینې په غونډه کښې د ایران ټولو خلقو ته د قدس د نړیوالې ورځې په لاریونونو کښې د پراخه ګډون د بلنې په ورکولو سره وویل: د فلسطین مسئله په هیڅ وجه نه شوو هېرولې، که څه صهیونېسټان په دې وروستیو کلونو کښې په سیمه کښې د ترهه ګرۍ په ترویجولو سره په دې لټه کښې وو چې د فلسطین موضوع هېره کړې شی.
روحانی په دې باندې په تاکید سره چې د قدس نړیواله ورځ د فلسطین د مسئلې د راژوندۍ کېدو ورځ ده دا خبره څرګنده کړه چې د قدس ورځ د فلسطین له مظلوم ملت څخه د ملاتړ، د ظلم په وړاندې د ټینګ اودرېدلو، په اسلامی نړۍ کښې د اختلافاتو د ختمولو، له ترهه ګرۍ سره د پرېکنده مبارزې او په سیمه کښې د سترو قدرتونو په تېره بیا د امریکې مداخلتونو ته د ځواب ورکولو په معنا ده.هغه دا خبره په ګوته کړه چې د سیمې او اسلامی نړۍ د هېوادونو ترمېنځ اختلافات بې له شکه د صهیونېزم او ټرورېزم په ګټه دی.هغه په آخر کښې تاکید وکړ چې د ایران اسلامی جمهوریت به په سیمه کښې ترهه ګرو او د هغوی بادارانو او اربابانو ته اجازه ورنکړی چې د ترهه ګرو فعالیتو لمن د ایران دننه ته وغزوی.
