ظريف: د تلافۍ لار، د يمن د غميزې د ختمولو لپاره د فرصت غنيمت ګڼل دي
د ايران خارجه وزير امريکې او د هغې جنګ غوښتنونکو انډيوالانو ته په خطاب سره تاکيد وکړ، د تلافۍ لار، د يمن د غميزې د ختمولو لپاره د فرصت غنيمت ګڼل دي نه دا چې ورته پراختيا ورکړې شي.
محمد جواد ظريف نن په ټوئيټ کښې د امريکې د خارجه وزير مائک پومپئو د وروستيو اعتراضاتو د يو ويډيو په خپرولو سره چې ويلي يې وو د امريکې د سيي آئي اے د مشر په توګه دروغ وائي او ټګي کوي وليکل، د دروغو د عادت پرېښودل د مرض سبب دے.
ظريف زياته کړه، د بهرنيو مشتريانو چې د نورو د مال او ځان هيڅ پروا نه لري د جلبولو لپاره دروغ ، فرېب او آه و زاري په تېرو څو ورځو کښې اوج ته رسېدلې ده.
ظريف په يو بل ټوئيټ کښې وليکل، د بي ټيم باقي پاتې کسان او د هغوي مقام غوښتونکي انډيوالان کوشش کوي چې جنګ ته داخلولو لپاره ډونالډ ټرمپ وغولوي.
پومپئو چې سعودي ته يې سفر کړے د خبريالانو په ټول کښې د ارامکو په تاسيساتو په حملو کښې د ايران د تورولو ترڅنګه ادعا وکړه چې دغه حمله په سعودي شوې ده او د هغوي په خلاف نېغ په نېغه جنګ ګڼل کيږي
