ایران او افغانستان تل د یوبل ترڅنګ دي

د ایران د اسلامي جمهوریت ولسمشر وویل: د ایران او افغانستان دواړه ولسونه تل د یو بل ترڅنګ پاتې شوي او په مشکلاتو کښې یې د یوبل مرسته کړې ده.

ولسمشر حسن روحاني پرون د یزد د شهید آیت ا... صدوقي روغتون له مشر حسین سلیماني سره د ویډیويي خبرواترو ترڅنګ، په کرونا د ککړتیا په وجه په دغه روغتون کښې د بستري شوي افغانستاني شاعر محمد یسنی سره هم خبرې اترې وکړې.

ښاغلي روحاني په دغو ټیلیفوني خبرواترو کښې په مختلفو هیوادونو کښې له ټولو ناروغانو لپاره د روغتیا او سلامتۍ په آرزو سره وویل: د ایران په کلتور کښې د بل انسان مرسته یو ویاړ دی.

ولسمشر حسن روحانې زیاته کړه چې د ایران او افغانستان دواړه ولسونه تل د یوبل ترڅنګ پاتې شوي او په مشکلاتو کښې یې د یوبل مرسته کړې ده.