پاکستان د افغانستان د سفارت شاذدافیر وروباله
د پاکستان خارجه وزارت په کابل کښې د خپل سفیر د احضار کیدو وروسته په ورته اقدام کښې، په اسلام آباد کښې د افغانستان د سفارت شاذدافیر وربللی دی
د افغانستان په خوست او کنړ ولایتونو باندې د پاکستاني ځواکونو له وروستیو بریدونو نه پس چې د لسګونو افغان وګړو د قتل عام لامل شو، د دواړو لورو ترمینځ اړیکې لانجمنې شوې دي.
په دې لړ کښې د پاکستان د بهرنیو چارو وزارت وویل چې په اسلام آباد کښې د افغانستان د سفارت شاذدافیر احمد شکیب یې د افغانستان له خاورې په پاکستاني پوځیانو باندې د حملو په لړ کښې وربللی دی.
پاکستان دا کار پس له دې وکړ چې د طالبانو د حکومت د بهرنیو چارو وزارت هم په افغانستان باندې د پاکستان د پوځ د تیرو ورځو له بریدونو وروسته په کابل کښې د پاکستان سفیر وربللی و.
اسلام آباد د افغانستان د شاذدافیر په وربللو سره د افغانستان د سرحدي امنیتي ځواکونو د تحرکاتو د زیاتیدو او د دغه هیواد له خاورې په پاکستان باندې د ډزو په هکله د جدي ملاحظاتو په څرګندولو سره دغه کار وغنده او له بریدګرو سره یې د طالبانو د حکومت د سخت چلند غوښتنه وکړه.
