په پاکستان کې زېږېدلو افغانانو ته د تابعیت ورکولو امر شوی
Oct 22, 2022 03:02 Asia/Kabul
د پاکستان سترې محکمې امر کړی چې ټولو هغو افغانانو ته چې په دې هېواد کې د کډوالو له میندو او پلرونو زېږېدلي او د زېږېدو سند ولري، پاکستانی تابعیت ورکړل شي.
د جرمني د ډي پي اې خبري آژانس د راپور له مخې د اسلام اباد سترې محکمې د دغه هېواد د کورنیو چارو وزارت ته امر کړی چې ټولو هغو افغان کډوالو ته چې په پاکستان کې د زېږېدو سندونه لري، تابعیت ورکړي.
د اسلام اباد د سترې محکمې رییس قاضي من الله ويلي، د پاکستان قانون هر هغه ماشوم ته چې په دې هېواد کې زېږېدلی وي، د دې هېواد د تابعیت اخیستو اجازه ورکوي.
د ملګرو ملتونو د کډوالو د ادارې د معلوماتو له مخې په اوس وخت کې په پاکستان کې شاوخوا دوه میلیونه او اته سوه زره افغان کډوال ژوند کوي چې ډېرو یې لسیزې وخت په دې هېواد کې تېر کړی دی.
ټیګونه
