د خبرو له لارې د ستونزو د حل په موخه د افغانستان او پاکستان د چارواکو لیدنه
په پاکستان کې د افغانستان سفارت سرپرست احمد شکیب وایي، د خبرو له لارې د ستونزو د حل په موخه یې د افغانستان لپاره د پاکستان ځانګړي استازي اصف دراني سره لیده کاته کړي.
دغه سفارت پخپله ایکس پاڼه کې لیکلي: اسلام آباد کې د افغانستان سرپرست سفیر،سردار احمد شکیب افغانستان لپاره د پاکستان له ځانګړي استازي، آصف دراني سره وکتل.
د سفارت په ایکس پاڼه کې زیات شوي چې په لیدنه کې د دواړو هېوادونو ترمنځ د راپورته شوو ستونزو پر حل، د دوه اړخیزو؛ تجارتي، سیاسي او خلکو ترمنځ د اړیکو پر لاغښتلتیا خبرې وشوې.
دا تېره دوشنبه د پکتیکا برمل او خوست سپېرې ولسوالۍ کې د پاکستان له هوايي بریدونو راوروسته د دواړو خواو لومړۍ لیدنه ده.
په ورته وخت کې په امریکا کې د پاکستان پخوانی سفیر وايي، د طالبانو حکومت د پاکستان ملي امنیت ته پر ګواښ بدل شوی دی.
حسین حقاني په ایکس ټولنیزه شبکه کې په یوه لنډه لیکنه کې له ۲۰۰۱ تر ۲۰۲۴ کلونو پورې د طالبانو په وړاندې د پاکستان د تګلارې د بدلون یادونه کړې ده.
حسین حقاني زیاته کړه. چې د طالبانو له بریا وروسته پاکستاني چارواکو وویل، چې طالبانو له افغانستانه د امریکا په ایستلو سره د غلامۍ زنځیرونه مات کړل.
ښاغلي حقاني وویل، چې اوس په ۲۰۲۴ کال کې پاکستان فکر کوي ،چې طالبان یې د هېواد امنیت ته ګواښ ګرځېدلی دي.
![د رڼا سرچینې (92) [ له خداي غواړو سره ناسته پاسته]](https://media.parstoday.ir/image/4c6c2f323ce64e2hi67_440C247.jpg)
